काठमाडौं । बंगलादेशको अन्तरिम सरकारले जमात ए इस्लामी पार्टीमाथि लगाइएको प्रतिबन्ध फुकुवा गरेको छ । जमात–ए–इस्लामी बंगलादेशको मुख्य इस्लामिक पार्टी हो, जसलाई धार्मिक कट्टरवादको रूपमा चिनिन्छ ।
यस पार्टीमाथिको प्रतिबन्ध फुकुवा गर्ने क्रममा सरकारले आतंकवादी गतिविधिमा जमात–ए–इस्लामीको संलग्नताको कुनै प्रमाण नभेटिएको बताएको छ ।
बंगलादेशकी पूर्वप्रधानमन्त्री शेख हसिनाले जमात–ए–इस्लामी पार्टीलाई यहूदी विरोधी कानून अन्तर्गत प्रतिबन्ध लगाएकी थिइन् । जमात–ए–इस्लामी पार्टीलाई बंगलादेशमा विद्यार्थी नेतृत्वको विरोधमा हिंसा भड्काएको आरोप लगाइएको थियो, जुन पछि पूर्व प्रधानमन्त्री शेख हसिनाविरुद्ध विद्रोहमा परिणत भयो ।
पार्टीले आन्दोलनका क्रममा हिंसा भड्काएको आरोपलाई अस्वीकार गरेको छ, जसमा विद्यार्थीहरूले सरकारी जागिरमा आरक्षणको विरुद्ध आवाज उठाएका छन् । जमात–ए–इस्लामी पार्टीलाई उच्च अदालतले २०१३ मा चुनाव लड्न प्रतिबन्ध लगाएको थियो । त्यसपछि २०१४, २०१८ र जनवरीमा भएको निर्वाचनबाट पार्टी बाहिर रहनुपरेको थियो ।
शेख हसिनाको सरकारले अगस्ट १, २०२४ मा पार्टीलाई प्रतिबन्ध लगाएको थियो । तर, चार दिनपछि विद्यार्थी विद्रोहका कारण उनले राजीनामा दिएर बंगलादेश छोड्नुपरेको थियो । जमात–ए–इस्लामी सन् १९४१ मा बेलायती शासनकालमा स्थापना भएको थियो, सन् १९७१ मा पाकिस्तानबाट स्वतन्त्रताको लडाइँमा बंगलादेशलाई स्वतन्त्र राज्यको रूपमा निर्माण गर्ने विरुद्ध अभियान चलाउँदै आएको थियो ।
बंगलादेशमा कु’ भएपछि त्यहाँका हिन्दूहरुमाथि आक्रमणकारीले आक्रमण गरे जसको पछाडि जमात–ए–इस्लामी पार्टीको हात रहेको बताइएको छ । तर, जमात–ए–इस्लामी पार्टीका शफिकुर रहमानले बंगलादेशमा हिन्दू समुदायमाथि भएको आक्रमणमा आफ्नो पार्टी संलग्न नभएको बताएका छन् ।
समाचार एजेन्सी पीटीआईको रिपोर्टका अनुसार उनले जमात–ए–इस्लामी पार्टीको छवि बिगार्नका लागि यस्ता कुराहरू भइरहेको बताए ।
प्रतिक्रिया