आईसीसी टी-२० विश्वकप : भारत फाइनलमा, उपाधिका लागि दक्षिण अफ्रिकासँग भिड्ने

काठमाडौं । भारत आईसीसी टी २०  विश्वकपको फाइनलमा पुगेको छ । गएराति सम्पन्न सेमिफाइनल खेलमा इङ्ल्यान्डलाई ६८ रनले पराजित गर्दै भारत १० वर्षपछि फाइनलमा पुगेको हो ।

सुरुवाति ब्याटिङ गरेको भारतले निर्धारित २० ओभरमा ७ विकेट गुमाउँदै १७१ रन बनाएको थियो । १७२ रनको विजय लक्ष्य पछ्याएको इङ्ल्यान्ड १०३ रनमा समेटिएपछि भारत ६८ रनले विजयी भएको हो ।

अब विश्वकपको उपाधिका लागि भारतले दक्षिण अफ्रिकाको सामना गर्नेछ । यसअघि भएको पहिलो सेमिफाइनलमा अफगानिस्तानलाई पराजित गर्दै दक्षिण अफ्रिका पहिलोपटक फाइनलमा प्रवेश गरेको थियाे ।