आईसीसी टी–२० विश्वकप : इङ्ल्यान्ड सेमिफाइनलमा प्रवेश, अमेरिका १० विकेटले पराजित

काठमाडाैं । इङ्ल्यान्ड आईसीसी टी–२० विश्वकप २०२४ को सेमिफाइनलमा प्रवेश गर्ने पहिलो टोली बनेको छ । सुपर आठको अन्तिम खेलमा अमेरिकामाथि १० विकेटको फराकिलो जित हासिल गर्दै इङल्याण्डले समूह २ बाट सेमिफाइनलमा प्रवेश गर्ने पहिलो टोली बनेको हाे ।

अमेरिकाले दिएको एक सय १६ रनको लक्ष्य इङ्ल्यान्डले नौ ओभर चार बलमै कुनै विकेट नगुमाई भेटायो । टस हारेर पहिला ब्याटिंग गरेको अमेरिकाले १८.५ ओभरमा अल आउट हुँदै ११५ रन मात्र बनाएको थियो ।

अमेरिकालाई अल आउट गर्ने क्रममा इङल्याण्डका बलर क्रिस जोर्डनले १९औँ ओभरमा ह्याट्रिकसहित चार विकेट लिएका थिए ।

(ग्रुप-२) बाट इङ्ल्याण्ड सेमिफाइनलमा प्रवेश गर्दा दोस्रो टोलीको भने टुंगो लागेको छैन । २ खेलबाट ४ अंक जोडेको दक्षिण अफ्रिका र २ खेलबाट २ अंक जोडेको वेस्ट इन्डिजबिचको खेलको नतिजाले सेमिफाइनल खेल्ने टोलीको टुंगो लाग्नेछ ।