काठमाडौँ । राष्ट्रिय सभाका अध्यक्ष गणेशप्रसाद तिमिल्सिना कम्बोडियाको भ्रमण पूरा गरी स्वदेश फिर्ता भएका छन् ।
कम्बोडियाका प्रधानमन्त्री सम्देक टेको हुनसेनको सम्मान कार्यक्रममा भाग लिएर अध्यक्ष तिमिल्सिना स्वदेश फर्किएका हुन् । उनलाई त्रिभुवन विमानस्थलमा संघीय संसद् सचिवालयका महासचिव भरतराज गौतम र राष्ट्रिय सभाका सचिव सुरेन्द्र अर्यालले स्वागत गरेका थिए ।
अध्यक्ष तिमिल्सिनाले एसियन कल्चरल काउन्सिल र कम्बोडियन कमिटी अन नेसनल फेस्टिभल्स एन्ड सेरेमोनिजद्वारा आयोजित कार्यक्रममा विशिष्ट अतिथिको रुपमा सम्बोधन गरेका थिए ।
कार्यक्रममा कम्बोडियाका प्रधानमन्त्री हुनसेनलाई वल्ड बुद्धिष्ट फाउन्डेसनको पेट्रोन अफ द वर्ल्ड बुद्धिष्ट अनोररी डक्ट्रेट ईन ह्युमानिटीको मानार्थ पदवी प्रदान गरिएको थियो ।
प्रतिक्रिया