उद्योग वाणिज्य महासंघको मतगणना शुरु

काठमाडौं । नेपाल उद्योग वाणिज्य महासंघको जिल्लानगरतर्फको पनि मतगणना सुरु भएको छ ।

बिहान १० बजेदेखि सुरु भएको मतदान बेलुका ६ बजे सकिएको थियो । बेलुका ८ बजेदेखि मतगणना सुरु हुने भनिएको थियो । तर उम्मेदवारबीच विभिन्न विषयमा सहमति नहुँदा ढिलाइ भएको निर्वाचन समितिले जनाएको छ ।

६४ जना कार्यसमिति चयन हुने महासङ्घमा ५ जना निर्विरोध निर्वाचित भैसकेका छन् । चुनावबाट ५९ वटा पदमा ११२ जना चुनावी मैदानमा छन् । यसअघि वस्तुगततर्फको मतगणना सुरु भएको थियो ।