रिन्कु सिंहको विस्फोटक व्याटिङ मद्दतले आइपिएलमा कलकता विजयी

काठमाडौं । आइपिएलअन्तर्गत आज भएको पहिलो खेलमा कलकता नाइट राइडर्सले गुँजरात टाइटन्सलाई पराजित गरेको छ ।

गुजरातले दिएको २ सय ४ रनको लक्ष्य कलकताले पुरै ओभर खेल्दै ७ विकेट गुमाएर पुरा गरेको हो । कलकताका रिन्कु सिंहको विस्फोटक व्याटिङले गुजरात पराजित भएको हो । सिंहले अन्तिम ओभरमा लगातार ५ छक्कासहित अविजित ४८ रन बनाएर टोलीलाई जीत दिलाएका हुन् ।

जीतसँगै कलकता तालिकाको तेस्रो स्थानमा पुगेको छ भने गुँजरात भने चौथो स्थानमा पुगेको छ ।