अर्थ र कृषि क्षेत्रको क्षमता अभिवृद्धि गर्नुपर्नेमा विज्ञहरुको जोड

काठमाडौं । बैंक तथा वित्तीय संस्था सम्बन्धी ऐन, २०७३ लाई संशोधन गर्न बनेको विधेयक सम्बन्धमा विज्ञहरूसँगको छलफल भएको छ ।

आइतबार अर्थ समितिमा बैंक तथा वित्तीय संस्था सम्बन्धी ऐन, २०७३ लाई संशोधन गर्न बनेको विधेयक सम्बन्धमा विज्ञहरूसँगको छलफल भएको हो ।

सोही क्रममा उनले नेपाल राष्ट्र बैंकका प्रवक्ता लक्ष्मी प्रपन्च निरौलाले अर्थ र कृषि क्षेत्रको क्षमता अभिवृद्धि गर्नुपर्ने भन्दै यसको लागि समन्वयात्मक भावनाका साथ काम गर्नुपर्ने बताए ।

उनले भने, ‘हाम्रो अर्थ र कृषि मन्त्रालयले यी क्षेत्रको क्षमता अभिवृद्धि गर्नुपर्छ । केही समस्याहरु त छन् तर त्यसलाई समाधान गर्न नसकिने भन्ने होइन् । हामीले समन्वयात्मक भावनाका साथ काम गर्नुपर्छ ।’

यस्तै, समितिका सभापति सन्तोष चालिसेले बैंक तथा वित्तीय प्रणालीको बारेमा अझै बढि अध्ययन गर्नुपर्ने बताए ।

विज्ञ भएपछि तथ्यांकगत रुपमा विषयलाई बुझाउनु पर्ने भन्दै सामान्य रुपमा बोलेर यस्ता विषय बुझ्न गाह्रो हुने पनि उनको भनाई छ ।

उनले भने, ‘यस बारेमा अझ बढि अध्ययन गरेर बैठक बस्ने छौ । विज्ञ भएपछि तथ्यांकगत रुपमा बोल्नु पर्छ, मुखले मात्र त एकैछिन अनलाइन हेरेर पनि भन्न सकिन्छ । नेपालको बैंक तथा वित्तीय प्रणालीलाई यो यो गरेर अगाडि बढाउन सकिन्छ भनेर भन्दिए हुन्छ । तथ्यांगत रुपमा भयो भने हामीलाई बुझ्न सजिलो हुन्छ ।’